Coaching, euskara, mintzapraktika taldeak eta erleak

Share Button
Miryam Artola sortzailea horma-irudia gauzatzen-Muxote Potolo bat

Amaia Agirre hizketan eta Miryam Artola sortzailea horma-irudia gauzatzen atzean-Muxote Potolo bat

Coaching mintzapraktika taldeetan. Hauxe mintzagaia, AEK-k antolatutako Praktikatu eta bizi jardunaldietan.

Hona hemen antolatzaileek botatako erronka:

Dinamizatzaileak taldeetan jokatzen duen papera ezinbestekoa da, berari dagokio taldearen osasuna neurtu eta motibaziorako tresnak eskaintzea. Coachingak zertan lagundu ahal du horretan?

Lau idei nagusien gira-bira ibili zen hitzaldia.

  • Edozein eraldaketa norberarengandik hasi behar da.
  • Entzumena sakona
  • Ekin
  • Behatu kuriosidadez. Txikiak, handiak. Denegandik ikasi daiteke. Naturarengangik are gehiago.

Norberarengandik hasi

Lagundu dezake, bai, baina norberarengandik hasita. Benetako gizarte-transformaziorik ez dago norberarengandik hasten ez bada. Zentzu horretan, U teoria, MIT erakunde ospetsutik datorkigun eredu berria aipatu nuen, Otto Scharmer ekonomilariaren eskutik.

Barne-eraldaketa horretan, entzumena lantzea ezinbestekoa da. Ni eta nire moduan pentsatzen dutenei ez ezik, desberdin pentsatzen dutenei ere arretaz entzun, ulertu enpatizatuz, elkarrekin eremu berria sortzeko.

Entzumena sakona

Entzumena, hortaz, hiru elementu hauek aintzat hartuta egin behar da:

praktikatu-eta-bizi-teoria-u

 

Aurreiritzirik ez, entendimendua zabalik; elkarulertu, bihotza zabalik; beldurrik ez, ekintzetarako prest.

Ekin

Coaching ez dago, ekintzarik ez badago. Hau da, coaching-ak laguntzen du ekiteko, beti ere, helburuaren kontzientzia sakona eta integrala ulertu ondoren.

Eta ekintzei nola ekin? SMART ingelesez, URANO euskaraz: eskUragarria, eRrealista, espezifikoA, Neurgarria eta denbOra zehatz. Ikusi UPV/EHUk egindako taupada ekintzak definitzeko eredua

Ekintzak honelakoak izan behar dira: zehatzak, errealistak eta neurgarriak, jendearen beharretara egokituak eta, batik bat, limurtzaileak.

Behatu kuriosidadez

Erleen modura, mintzapraktika taldeak euskalinizatzen

Eta hauxe? Ba askotan pentsa dezakegu dena asmatuta dagoela, ideiak agortuta ditugula. Eta hara non, irtenbideak beti egon dira hor: naturan. BIOMIMESIS zientzia-alorrak erakusten digu naturan eta bizidunengan atentzioa jarrita irtenbide berriak eta berrritzaileak aurki ditzakegula.

Erleen kasuan, mintzapraktika taldeen metafora ederra dakargilua iruditzen zait. Animali txikiak izan arren, sekulako eragina dute gure ekosisteman.

erleakErlea desagertuko balitz, gizakiak lau urteko biziraupena izango luke: erlerik gabe ez dago polinizaziorik, ez belarrik, ez animalirik, ezta gizakirik ere“. Albert Einstein

Erleak txikiak dira; mintzapraktika-taldeak ere txikiak dira. Euskal Herri osoan zabalduta daude eta apurka-apurka, baina etenik gabe, gure txokoak, kaleak, tabernak euskalinizatzen ari dira.

Mintzapraktika taldekideak gure txokoak euskalinizatzen ari dira.

Erleen metafora honekin jarraituz, honako galderak egiten ditugu:

  • Nola lortu erletxeen gelaxken egitura sendoa bezain arina, bata bestearen gainean pilatzeko eta elkarbizi bermatzen duena?
  • Nola lortu esfortzu txikiarekin zabalkunderik handiena?
  • Nola komunikatzen gara gure artean?
  • Nola defendatu gure burua ziztadarik eman barik, heriotzara gure burua kondenatu barik?
  • Zein gehiago okurritzen zaizu?

Nire eskerrik beroenak antolatzaileei eta kide izan nituen kideei: AEK, Eduardo ApodakaGemma Sanginés, Mikel Urdangarin eta Miryam Artola.

Hona hemen Praktikatu eta Bizi jardunaldiaren kronika laburra. IRAKURRI.
Datu teknikoak: 2016ko azaroaren 4an, AEKren Praktikatu zerbitzuak PRAKTIKATU eta BIZI jardunaldiaren III. edizioa antolatu zuen Bilboko Ondare aretoan. Euskal Herri osotik etorrita, 100 bat lagunek hartu zuten parte egitarauan, 09:30-13:30 bitartean.
Honako post honetan, hitzaldiaren beste enfokea: motibatzaileena.
PRAKTIKATU ETA BIZI: BIZI PRAKTIKATUZ ETA PRAKTIKATUZ BIZI.
Miryam Artolak Coaching mintzapraktika taldeetan nola lagundu dezakeen irudiz jasotzen-Muxote Potolo Bat

Miryam Artolak Coachingak mintzapraktika taldeetan nola lagundu dezakeen irudiz jasotzen-Muxote Potolo Bat

Aitortza: Erleen argazkia Pixabay webgunetik aterata daude eta jardunaldiko argazkiak, AEK-koak dira.

Deja un comentario

Tu dirección de correo electrónico no será publicada. Los campos obligatorios están marcados con *